又靚又好食嘅蛋糕☺️💓

😆究竟係咩驅使一個唔好甜品嘅我

去一次過食兩件蛋糕+2件Bavarois ？

係靚呀💓

自從朋友仔叫我介紹靚cafe俾佢

我隨口講唔出之後心靈受創💔

決定要跳出框框，俾多次機會呢個世界嘅甜品

（話說我以係鍾意食甜品，發生左某啲事之後我先慢慢唔好甜品，有機會再講😂）

所以今日黎到#銅鑼灣 嘅 @lafamillecake 🍰

試下傳聞中嘅好好食嘅戚風蛋糕🧐

.

我一開鋪就去😆

因爲聽朋友講太遲去係會賣曬‼️啲味會唔齊🙈

我諗唔會有人好似我咁午餐時間咁得閒

選擇去食甜品唔食正餐😂

所以去到係可以任揀位坐同埋任自拍😍

揀好個靚位就出去揀蛋糕🍰喇

.

淨係戚風蛋糕款都睇到我眼花😆

好彩我一早諗好要食藍莓同埋法國玫瑰🌹

Bavarois 就揀左完熟芒果同埋伯爵茶☺️

等我慢慢試下咩味先😋

1️⃣法國玫瑰戚風蛋糕（$54）

好搞笑，店員問我係全部喺度食定有啲拎走🙈好擔心我會食唔曬😆放心，我唔係大蹝鬼👻叫左嘅野一定食得曬‼️睇我表演啦💓首先食左我認為係最靚嘅法國玫瑰🌹個玫瑰係可食用嘅威化紙黎，相比起用甜嘅造型朱古力，呢個威化紙同呢個蛋糕更夾✨首先上下啲cream，並唔係一般嘅甜忌廉，食落係幾香奶油味嘅鮮忌廉，然後用叉輕輕一按個戚風蛋糕，回彈力唔錯👍🏻唔係實kick kick果種，輕輕切開個蛋糕，入面係淡淡嘅粉紅色💓😍食落有淡淡嘅玫瑰味，連我食都覺得唔會太甜👍🏻鬆軟蛋糕配上香滑鮮忌廉，當食太多忌廉覺得漏時，有紅桑莓嘅微酸平衡番😝又可以繼續食

.

2️⃣Earl Grey Bavarois ($42)

完美ko左個法國🇫🇷玫瑰，下一樣就唔食戚風蛋糕住，試下另一口感嘅Bavarois 🍮佢係一款簡易甜品，主要係用奶、蛋、忌廉、糖、魚膠製作👩🏻‍🍳（記得當年讀西廚，其中一個考試題目就係整佢，但我就冇佢整得咁靚喇😍）食落幾軟滑，伯爵茶味唔算好濃烈，但總算食到少少，估計係俾面頭嘅水果搶左味，如果用淡味啲嘅水果或只用淡味嘅食用花做裝飾可能會好啲，咁就可以突出番個茶味✨

.

3️⃣藍莓北海道芝士戚風蛋糕（$60）

跟住落黎又食番戚風蛋糕🙌🏻揀莓味嘅原因係因為甜極有個譜，同埋莓嘅酸性會令人開胃啲💕幾鍾意佢個藍莓cream

真係用左藍莓去整而唔係就咁用色素，食落有藍莓籽👍🏻藍莓味都幾突出☺️芝士味就相對唔算太濃烈，芝士控嘅我覺得唔夠喉呀🙈

.

4️⃣Mango Bavarois ($42)

呢個我擺到最後食，因為我估計完熟嘅芒果味道會係最濃烈最甜，如果食左先就會影響到其他甜品嘅味道🙈所以就放最後喇，不出所料，呢個芒果 Bavarois 真係好甜，但佢又唔係好多糖果種甜，係超熟芒果果種甜，如果鍾意食芒果，生日蛋糕可以考慮買下呢個（有大個版（$280）架），食上一個Bavarois 果陣唔覺，但食呢個嘅時候發現有爆爆珠😳

好得意，為呢個甜品加添口感之餘，仲食食下突然衝擊一下味蕾💕

.

5️⃣Rose Latte(凍$44)

呢杯飲品我點得冇錯，可以喺轉換下一款甜品前飲兩啖「洗口」，呢杯飲品唔會太甜，微微玫瑰花味，幾清香，不過最後飲嘅時候，一黎食完個完熟芒果太甜，二黎呢杯飲品太多冰，最後飲果陣係相對淡味，下次飲記得要少冰先得💓

.

整體黎講，呢間店嘅裝修都幾靚，隨個人喜歡坐高枱定梳化💕甜品方面比我想像中好食，因為唔太甜☺️而且勁多款俾我揀（可能時間早嘅關係），最開心係非繁忙時間去，可以任影相😆💓 如果同閨蜜一齊去應該影到唔想走✨

.

🍰La Famille (銅鑼灣)

📍銅鑼灣耀華街25號丹納中心地下2號舖

.

.

#foodie #吃貨 #吃貨人生 #吃貨女孩 #吃貨日記 #sweet #influencer #hkinfluencer #microinfluencer #hkig #hkiger #hkfoodie #hkblogger #discoverhk #discoverhongkong #cute #love #写真 #ありがとう #コーデ

#hkmodel #hkkol #model #portrait #portraitphotography