令人放鬆嘅餐廳

 早排講開好耐冇食好野同影相📸

呢日就黎左Chelsea Garden & Restaurant 食西班牙🇪🇸菜

一入餐廳成個人有種好放鬆嘅感覺☺
因為成間餐廳都好多綠色植物🌿
不論係餐廳嘅牆定係擺設都係以綠色為主
露台仲種左好多唔同嘅盆栽 🎍
趁野食未黎之前出去呼吸下新鮮空氣、影下相都唔錯
.
今次同男朋友黎食～👩‍❤️‍👨
一坐低先叫左兩杯飲品

男朋友就叫左杯House wine（$65）而我就叫左杯冇酒精嘅Mock Champagne （$65）🍹
因為我地晏食午餐，唔係話好肚餓
所以我地決定叫多啲前菜同小食


主菜就叫一款share，唔洗驚食唔曬
.
前菜我地叫左兩款，分別係：
✅帕爾瑪火腿辣肉腸拼盤 （$138）

本身鍾意食ham，所以點都會叫黎食下，食ham黎講要配熟度剛好嘅甘瓜好重要，太熟會過甜蓋過曬啲ham味，唔夠熟又會太青同啲ham唔夾，呢碟甘瓜嘅熟度剛好，用Prosciutto ham包住食微鹹中帶清甜，但個人其實麻麻地辣味配甜味，所以偏好覺得都係ham配甘瓜夾過辣肉腸配甘瓜。
✅藍青口檸檬芫荽諾曼第汁（$168）

藍青口係男朋友最愛❤不過前提係個汁要煮得好味，呢個諾曼第汁冇令我地失望，藍青口熟度掌握得好好，剛好熟而唔會過龍縮水，咬落去青口肉係Juicy而唔係實的的！配埋有少少掛到嘅諾曼第汁，好味道👍🏻本身都以為個汁又有cream又有牛油會好漏好滯，但廚師除左落左檸檬之外，仲巧妙地落左幾片薄薄嘅青蘋果片😳令到個汁食落清新啲冇咁膩。
.
而小食，我地就叫左：
✅伊比利亞火腿杏仁芝士球（$68）

之前讀西廚，都有研究下唔同嘅ham，而伊比利亞火腿即係黑毛豬火腿，油香味重☺仲會有微微嘅果仁香，所以見到廚師配杏仁落去呢道小食，都即刻明白佢嘅用意😋我估計芝士球係用左cream cheese混合左啲伊比利亞火腿碎，面頭放左chives做點綴，食之前自己將芝士球喺杏仁碎度碌幾下再食🥰同想像中一樣咁好味道，cream cheese嘅軟滑混合埋伊比利亞火腿嘅油脂，奶脂、杏仁油香同肉嘅油香味好夾，呢個芝士波嘅樣令我聯想到傳統小食「糖不甩」😜過癮！
.
主菜我地揀左：
✅香烤墨汁西班牙飯（$248）

搞笑！應該冇人估到我竟然係好鍾意食墨汁製品😂個個都話好怕食墨汁野，因為會食到個嘴唇同啲牙烏卒卒🙈但係只要好食，食完咪最多抹多幾下嘴同飲多啲水囉～呢個墨汁飯份量唔算好多，墨魚煮得剛好咬落唔會似橡筋，而用墨汁煮飯其實都好考廚師嘅手勢同經驗，飯嘅本身要控制到唔好太濕，

喺之後再加入墨汁時唔會出現「水Nel nel」嘅狀況，所以我覺得呢個飯煮得幾好，會見到啲墨汁飯係粒粒分明，唔會痴埋一pat或煮到好爛，食落口感係軟糯有咬口，個人覺得如果墨魚汁再濃少少更好🤤
.
總括嚟講，喺呢度用餐係幾舒適，而且食物質素唔錯，除左餐牌上嘅食物，我個人幾鍾意佢地嘅麵包，特別係我手拎住果款，食落有香草同蕃茄乾，有啲似食緊focaccia 😳❤點埋油醋食真係好正！本身仲以為食多啲小食唔會太飽，點知飽到我地連甜品都試唔到🙈
.
.
.
#discoverhk #discoverhongkong #portrait #portraitphotography #hkinfluencer #hkiger #おしゃれさんと繋がりたい #写真好きな人と繋がりたい #ありがとう #写真 #ootd #photooftheday #hkig #healthylifestyle #hongkong #hkinstagram #hkfoodie #hkfood